Kandidati i PD për Bashkinë Libohovë, Adil Xhelili, thotë se nëse zgjidhet kryetar do të ofrojë falas shërbimin funeral për qytetarët. Ja çfarë shkruan ai. Shërbimet publike sa më pranë bashkëqytetarëve tanë. Ngritja e Shërbimit Komunal të Bashkisë me pajisje bashkohore, mjete e shërbim efikas.️ Ofrimin e shërbimeve lokale, pastrim dhe gjelbërim e zonave urbane, pastrim ditor në Libohovë dhe fshatra, pajisje me kontenierë të rinj, autobot, etj.️
Menaxhim i kujdesshëm i mbetjeve ne pikë-grumbullim, shmangia e rreziqeve për shëndetin, mbrojtje e mjedisit dhe faunës.️ Mirëmbajtje e rrugëve të brendshme në cdo njësi vendore e në cdo lagje.️ Krijimin e një terminali dhe agjensie udhëtimi për transportin lokal. Përmirësimi i shërbimit zjarrfikës dhe shpëtimit të jetës, me mjete bashkohore, pajisje e trajnim periodik.️
Sigurimin dhe mirëmbajtjen e parqeve publike, shtimin e hapësirave të gjelbërta️ .Ofrimi FALAS i shërbimit funeral si pjesë e shërbimeve komunale të bashkisë.️ Pajisja me sinjalistikë të brendshme e rrugëve, emërtim dhe shenja të tjera dalluese. Këto dhe shumë të tjera në shërbim të qytetarëve pas 14 majit. Ndryshim rrënjësor i punëve me motivin “pa shërbim nuk ka taksa”. Së bashku rikthejmë punën në dobi të qytetarit!