Moti në fundjavë pritet të jetë nën ndikimin e kushteve ajrore të paqëndrueshme, sipas SHMU-së. Pritet që dita e nesërme të nisë me kthjellime dhe gjatë mesditës do të nisin vranësirat ku priten dhe reshje shiu të cilat hera-herës do të jenë edhe në formën e shtrëngatave afatshkurtër.

Era do të fryjë me drejtim nga veriperëndim me shpejtësi mesatare 1-8m/s, shoqëruar me valëzim në dete të forcës 1 ballë.

Një grua ka humbur kontaktet me familjen në Korçë prej dy ditësh. Bëhet fjalë për 40-vjeçaren me iniciale F.M. Ka qenë i riu K. D., banues në fshatin Melçan, Korçë, ai, i cili ka kallëzuar dje se është larguar nga banesa halla e tij. Sipas deklarimit të 23-vjeçarit, halla e tij vuan nga probleme të shëndetit mendor.

Ndërkaq, policia e Korçës ka nisur menjëherë punën për gjetjen e 40-vjeçares.

Një tragjedi ka ndodhur mesditën e së premtes në Kefaloni në Greqi. Një 3 vjeçar është gjetur pa jetë në një pishinë në një vilë private. Ka qenë nëna e djalit që e ka parë në pishinë dhe e alarmuar ka lajmëruar bashkëshortin, i cili e ka nxjerrë menjëherë nga uji.

Ai është dërguar menjëherë në spital, por për fat të keq mjekët nuk kanë mundur të bëjnë asgjë pasi ishte shumë vonë dhe 3 -vjeçari kishte humbur jetën.

Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasin M. B., 36 vjeç, banues në fshatin Homezh, Pogradec, pasi dyshohet se ka kanosur një 67-vjeçar.

-Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi në gjendje të lirë për shtetasit E. K., 24 vjeç, banues në fshatin Vidohovë, Devoll, pasi gjatë një konflikti për motive të dobëta, ka goditur me mjet të fortë, një 73-vjeçar.

Gjithashtu Specialistët për Hetimin e Krimeve të Komisariatit të Policisë Kolonjë referuan materialet në Prokurori dhe shpallën në kërkim shtetasin G. M., 41 vjeç, banues në Çorovodë, Skrapar, pasi dyshohet se ka goditur me sende të forta, shtetasin G. A., 52 vjeç, banues në Poliçan, Skrapar, me të cilin tentonin të kalonin ilegalisht kufirin. Punohet për kapjen e 41-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Specialistët për Hetimin e Krimeve të Komisariatit të Policisë Maliq arrestuan në flagrancë shtetasin E. D., 21 vjeç, banues në fshatin Podgorie, Maliq, pasi dyshohet se ka ngacmuar seksualisht një 16-vjeçare. Materialet procedurale i kaluan Prokurorisë pranë Gjykatës së Shkallës së Parë të

Juridiksionit të Përgjithshëm Korçë, për veprime të mëtejshme.

Policia e Pogradecit ka arrestuar një 38-vjeçar pasi ky i fundit ka tentuar të vrasë me sëpatë fqinjin e tij, pas sherrit banal. Falë ndërhyrjes së shpejtë dhe veprimeve profesionale policore, policia arrestoi Erjon Shaqollari, 38 vjeç, banues në Pogradec, pasi dyshohet se pasditen e djeshme, pas një konflikti për motive të dobëta, ka dëmtuar me mjet prerës (sëpatë), fqinjin e tij, shtetasin K. H., 61 vjeç, banues në Pogradec, i cili aktualisht merr ndihmë mjekësore, në spitalin e Pogradecit dhe është jashtë rrezikut për jetën.

Në vijim të veprimeve procedurale për këtë rast, shërbimet e Policisë i gjetën 38-vjeçarit, nga kontrolli fizik, një tjetër mjet prerës (thikë), i cili iu sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprat penale “Vrasja me dashje”, mbetur në tentativë dhe “Prodhimi, mbajtja, blerja apo shitja pa leje e armëve të ftohta”.

Pogradec/ Tentoi të vriste me sëpatë fqinjin pas konfliktit banal, arrestohet 38-vjeçari, 61-vjeçari përfundon në spital pic.twitter.com/7ZxL54fpiJ

— KorcaBlog.com (@korcablog1) May 26, 2023

Nëna dhe dy fëmijët e saj, 13 vjeçe e 18 muajsh, u gjetën të vrarë në vendin ku qëndronin në Francë, ndërsa i dyshuari kryesorë është ish-bashkëshorti i 36-vjeçares. Alarmi u ngrit nga një i afërm i cili do të takohej me viktimën, e më pas zjarrfikësit kanë ndërhyrë duke gjetur të pajetë të miturit dhe mamanë e tyre.

Sipas prokurorit që po merret me çështjen trupat kishin plagë, të shkaktuara nga goditja me thikë. Policia franceze ka izoluar të gjithë zonën, për ta pasur më të lehtë gjetjen e provave të mjaftueshme që do ti çojnë në gjetjen e autorit dhe rrethanave që ende janë të paqarta.

Në kërkim mbetet 30 -vjeçari, i dënuar në shtator të vitit 2021 me një vit burg për dhunë ndaj gruas dhe vajzës së tij. Në informacionet paraprake viktimat dhe autori janë me origjinë nga Turqia. Disa orë para se të gjendeshin trupat, mediat franceze shkruajnë se në postimet në Facebook ai akuzonte gruan e tij se e tradhtonte, ndërsa shtonte se do ti jepte fund jetës.

Çifti kishte rreth dhjetë vite që jetonte në këtë shtëpi, ndërsa prej rreth dy vitesh ishin ndarë. Prokurori konfirmoi viktima kishte bërë një kallëzim për vjedhjen e bizhuterive dhe dokumenteve, duke dyshuar se ish-i i saj mbante një kopje të çelësave të shtëpisë. Njëkohësisht denoncimi e ka denoncuar për vendosjen e GPS poshtë makinës së saj.

E rëndë/ Gjenden të vrarë nëna me dy fëmijët e mitur, dyshohet se u masakruan me thikë nga ish-burri 36-vjeçares pic.twitter.com/qLpQ6OPcPW

— KorcaBlog.com (@korcablog1) May 26, 2023

Lajmërim i veçantë nga Nabizi Struge !
Erdhi koha për ofertën tonë speciale që ndodh një herë në vit. Jemi të emocionuar për të ndarë këtë mundësi të jashtëzakonshme me ju. Çmime fabrike dhe oferta speciale!
Çdo vit, në këtë periudhë të veçantë, ne përgatisim një ofertë të pazëvendësueshme me çmime të ulëta, për të gjithë klientët tanë të çmuar.

Ky është një rast unik për ju, të përfitoni nga çmimet më të ulëta të vitit, për produktet tona cilësore.