Reshje shiu dhe shtrëngata/ Shërbimi Meteorologjik Ushtarak parashikon si do të jetë moti në orët në vazhdim

Shërbimi Meteorologjik Ushtarak njofton se deri mesditën e nesërme në gjithë vendin tonë do të vazhdojnë reshjet e shiut.

Njoftimi i plotë:


Situata e paqendrueshme që ka përfshirë vendin në ditën e sotme është pasojë e kalimit të masave më të freskëta dhe të lagështa. Në afatin kohor nga mesnata deri në mesditën e nesërme reshjet e shiut e përkohësisht shtrëngatat e shkurtra do të jetë prezente si pasojë e qarkullimit të së njëjtave masa.

Më të prekura do të jenë pjesa bregdetare dhe zonat e ulëta. Më tej moti do të vijë drejt kthjellimit. Era do të fryjë nga juglindja e jugperëndimi me shpejtësi 1 deri në 8 m/sek duke u shoqëruar me valëzim të forcës 2 deri në ballë.

Temperaturat parashikohen:

zonat malore 14°C deri në 29°C

zonat e ulëta 16°C deri në 33°C

zonat bregdetare 18°C deri në 31°C

Marca jep lajmin e bujshëm:“PSG pranon ofertën e Realit për Kylian Mbappe, transferimi i pashmangshëm

Real Madridi dhe Paris Saint-Germaini i kanë përafruar qëndrimet lidhur me transferimin e Kylian Mbappes drejt kryeqytetit spanjoll. Dy klubet kanë vazhduar me shkëmbimin e e-maileve, ofertave dhe fjalëve në ditët e fundit, ndërsa oferta më e fundit e Los Blancos ishte 170 milionë euro plus 10 milionë të tjera në formë shtesash, sipas Marca, është pranuar nga klubi francez. Kjo për faktin se PSG e ka analizuar situatën dhe ka vendosur se është zgjidhja e vetme e përshtatshme,pasi në fund të sezonit mbape mund të largohet me parametrat zero.Në anën tjetër, Reali ka vazhduar të veprojë sipas ligjit dhe në mënyrë korrekte, ndërsa me pëlqimin e Mbappe gjithçka ishte në favor të Los Blancos. Tashmë pritet vetëm njoftimi zyrtar.


Burimi : Marca

COVID-19, në Greqi /Mbi 3.500 të infektuar ,28 viktima në 24 orë

Greqia ka regjistruar sërish shifra të larta të infektimeve me Covid-19. Sipas autoriteteve të shëndetësisë gjatë 24 orëve të fundit janë regjistruar 3538 raste të reja duke e çuar numrin e përgjithshëm të rasteve në 573.605.Po ashtu gjatë 24 orëve të fundit 28 qytetarë kanë humbur betejën me Covid-19, ndërsa që nga fillimi i epidemisë janë regjistruar13,539 viktima.


Zëri Amerikës: “Sonte pas mesnate mbërrin në Shqipëri avioni i parë me afganë. Ja ku do strehohen”

Një grup i parë qytetarësh afganë që do të strehohen përkohësisht në Shqipëri pritet të mbërrijë në aeroportin ushtarak në Rinas pas orës 02.00 të mëngjesit. Zëri i Amerikës ka mësuar se bëhet fjalë për më shumë se 120 persona, mes tyre dhe shumë fëmijë, të nisur nga Kabuli. Ata pritet të strehohen në struktura hoteliere në Durrës.


Shqipëria ishte ndër vendet e para që u angazhua për të strehuar qytetarët afganë të cilët po largohen nga vendi i tyre. Duke ju përgjigjur pozitivisht një kërkese të qeverisë amerikane për të mikpritur persona, jetët e të cilëve kërcënohen nga talebanët, qeveria shqiptare u shpreh fillimisht se ishte e gatshme të strehonte disa qindra. Ndërsa prej javës së shkuar fluturime të shumta të planifikuara për të udhëtuar drejt Shqipërisë u anulluan si pasojë e kaosit në kreyqytetin afgan dhe aeroportin e tij, autoritetet shqiptare janë shprehur se do të presin disa mijëra. Një ditë më parë në një intervistë për televizionin CNN, kryeministri shqiptar Edi Rama foli për të paktën 4 mijë persona.

Pas mbërritjes në aeroport, grupi i qytetarëve afganë do të qëndrojë fillimisht në tendat e ngritura posaçërisht pranë aeroporti ushtarak, ku atyre do t’ju ofrohet dhe asistenca e parë mjekësore, ndërsa do të kryejnë dhe formalitetet burokratike. Sipas një vendimi të miratur të mërkurën nga Qeveria shqiptarëve, qytetarëve afganë do t’u ofrohet statusi i “mbrojtjes së përkohshme”. Po sipas këtij vendimi ata mund të qëndrojne deri në 1 vit në Shqipëri./VOA

Champions: Përballje sheikësh në grupe, Juventus sfidon kampionët, Barcelona “makthin” Bayern, Milan në “grupin e ferrit”

Premtonte spektakël dhe kështu ndodhi. Shorti i Champions League për sezonin 2021-2022 prodhoi shumë grupe të forta, por ai i ‘ferrit’ është grupi B ku bëjnë pjesë Atletico Madrid kampione e Spanjës, Liverpool 6 herë fitues i këtij kompeticioni, Porto dhe Milan, që u rikthye në shtëpinë e kampioneve pas 7 vitesh. I pafat ‘djalli’në këtë short, por që pritej duke patur parasysh që mori pjesë nga vazo e katërt.


Dy përballje ‘miliardash’ do t’i prodhojë grupi A aty ku Manchester City ‘peshkoi’ Paris SG, që këtë merkato vere ka mbledhur ‘yjet’ e futbollit. Skuadrat e tjera që plotësojnë grupin janë Leipzig dhe Club Brugge.

Ndërkohë Interi, që është shortuar në grupin D ka pothuajsë të njëjtët rivalë si vitin e kaluar kur nuk mundi të kalonte grupin për të tretin vit radhazi. Zikaltërit që ishin në vazon e parë do të përballen me Real Madrid, Shakhtar Donestk dhe Sherif Tiraspol. Moldavët janë skuadra e kualifikuar për herë të parë në Champions League, ndërsa është kundërshtari i vetëm që Inter, Real Madrid dhe Shakhtar nuk kishin sezonin e kaluar në grup.

Në grupin E kampionët e Gjermanisë Bayern Mynchen janë shortuar me Barcelonën, Benfica-n dhe Dinamo Kiev. Në letër dy vendet e para që kualifikohen për në fazën tjetër duken të prenotuara, ndërsa Benfica dhe Dinamo Kiev do luftojnë për vendin e tretë që të dërgon në Europa League.


Interesant për të mësuar vendin e parë të kualifikuar është edhe grupi H. Kampionët e Europës në fuqi Chelsea kundërshtarin më të fortë kanë Juventusin. Lukaku do të kthehet sërish në Itali dhe rivalin më të madh do të ketë sërish klubin bardhezi. Dy skuadrat e tjera të grupit H janë Zenit dhe Malmo.

Në grupin F Villareal që sezonin e kaluar fitoi Europa League do të përballet me Manchester United, ndërsa të paktën në letër vendin e dytë do ta diskutojë me Atalanta-n. Grupin ndërkohë e plotëson Young Boys.

Dy grupet më më pak emra të mëdhenj janë C dhe G. Në grupin C bëjnë pjesë Sporting, Dortmund, Ajax dhe Besiktas. Sakaq në grupin G janë shortuar sëbashku Lille, Sevillia, Salzburg dhe Ëolsburg.


Grupi A

1-Manchester City

2-Paris SG

3-Leipzig

4-Club Brugge

Grupi B

1-Atletico Madrid

2-Liverpool

3-Porto

4-Milan

Grupi C

1-Sporting Lisbone

2-Borusia Dortmund

3-Ajax

4-Besiktas

Grupi D

1-Inter

2-Real Madrid

3-Shakhtar Donetsk

4-Sherif Tiraspol

Grupi E

1-Bayern Mynchen

2-Barcelona

3-Benfica

4-Dinamo Kiev

Grupi F

1-Villareal

2-Manchester United

3-Atalanta

4-Young Boys

Grupi G

1-Lille

2-Sevillia

3-Salzburg

4-Volsburg

Grupi H

1-Chelsea

2-Juventus

3-Zenit

4-Malmo

Fouristrada përplaset me pemën/ Një person mbetet i bllokuar, nxirret me mjete duke prerë derën dhe dërgohet me urgjencë në spital!

Një aksident i rëndë ka ndodhur mbrëmjen e sotme në lagjen “Çole” në Vlorë. Një mjet fuoristrade i cili udhëtonte në këtë zonë, mësohet se është përplasur me një pemë në anë të rrugës dhe si pasojë ka mbetur i bllokuar një person. Është bërë ndërhyrja me mjete për të prerë derën e automjetit e më pas nxjerrjen jashtë të të plagosurit, identiteti i të cilit nuk bëhet me dije. Ai u dërgua me urgjencë në spital, ku ndodhet jashtë rrezikut për jetën. Po ashtu, edhe dy personat e tjerë të plagosur ndodhen jashtë rrezikut për jetën.


Aksidenti në Muzinë, policia: “Mes 5 viktimave edhe 2 turistë nga Ukraina, po udhëtonin në furgon”

Policia jep detaje rreth aksidentit tragjik që ndodhi sot në aksin kombëtar Gjirokastër-Sarandë, në Qafë Muzinë ku furgoni i linjës Tiranë-Sarandë u përplas me një “Land Rover” dhe përfundoi në greminë. Siç u konfirmua më herët 5 pasagjerë, së bashku me shoferin e furgonit humbën jetën gjatë aksidentit, ndërsa e vetmja e mbijetuar ishte 25-vjeçarja, G.D, e cila u nxorr e gjallë dhe që ndodhet në spital me fraktura të lehta jashtë rrezikut për jetën.


Mësohet se në mesin e viktimave janë edhe 2 turistë nga Ukraina.

Policia njofton se kanë humbur jetën drejtuesi i furgonit shtetasi B. P., pasagjerët F. K., 77 vjeç, banues në Tiranë, D. K., 72 vjeçe, banuese në Tiranë
T. F., 48 vjeçe, banuese në Ukrahinë dhe O. F., 53 vjeç, banues në Ukrahinë.

Ndërsa, në mjetin tip “Land Rover”, që ishte dhe shkaktari i aksidentit R. Ç.(drejtuese Land Rover), A. K., 23 vjeçe dhe G. P., 22 vjeçe, banuese në Itali(pasagjere në Land Rover),kanë mbetur të dëmtuar por jashtë rrezikut për jetën.

Informacion shtesë.


Informacion shtesë mbi aksidentin e ndodhur në rugën nacionale Gjirokastër-Sarandë, ku në vendin e quajtur Muzinë, mjeti tip “Land Rover” me drejtuese shtetasen R. Ç., 22 vjeçe, banuese në Tiranë, është përplasur me mjetin tip furgon me drejtues shtetasin B. P., 51 vjeç banues në Sarandë.

Si pasojë e aksidentit kanë humbur jetën drejtuesi i furgonit shtetasi B. P., pasagjerët F. K., 77 vjeç, banues në Tiranë, D. K., 72 vjeçe, banuese në Tiranë,
T. F., 48 vjeçe, banuese në Ukrahinë dhe O. F., 53 vjeç, banues në Ukrahinë.

Gjithashtu kanë mbetur të dëmtuara shtetaset G. D., 25 vjeçe, banuese në Tiranë(pasagjere në mjetin tip furgon), R. Ç.(drejtuese Land Rover), A. K., 23 vjeçe dhe G. P., 22 vjeçe, banuese në Itali(pasagjere në Land Rover).

Grupi hetimor po punon për zbardhjen e shkaqeve të aksidentit.

Aksidenti tragjik me 5 viktima/ Kjo është vajza 22-vjeçare që drejtonte fuoristradën (VIDEO)

Ka përfunduar aksioni i nxjerrjes së trupave nga furgoni, që ra në greminë në Qafë Muzinë, duke iu marrë jetën pesë personave, ndërsa është nxjerrë e gjallë një vajzë. Shkak i aksidentit tragjik ka qenë parakalimi i gabuar i mjetit “Land Rover”, i cili është futur me shpejtësi në kthesë. Vajza që shihni në foto është 22-vjeçarja Rexhina Çelhaga, e cila shkaktoi aksidentin e sotëm në Qafë-Muzinë. Ajo po drejtonte “Land Rover”-in me shpejtësi të lartë dhe në Qafë Muzinë i preu rrugën furgonit me pasagjerë. Drejtuesi i mjetit Bardhi Proda kreu disa manovra në mënyrë që të shmangte përplasjen me fuoristradën, por përfundoi në greminë bashkë me pasagjerët që kishte në furgon. Rënia nga 25 metra lartësi bëri që pesë persona, mes tyre edhe vetë Proda të humbisnin jetën. Të plagosur kanë mbetur edhe tre persona të tjerë, një prej të cilëve është vajzë, 21 vjeçe. Për në spital është transportuar edhe Çelhaga pasi është plagosur nga aksidenti, ndërkohë që dy pasagjeret që ndodheshin me të në automjet janë në gjendje të mirë shëndetësore.


Me “Land Rover” me qira, 22-vjeçarja hodhi në greminë furgonin! Kjo është makina që goditi furgonin

Një aksident tragjik ndodhi sot në aksin kombëtar Gjirokastër-Sarandë, në Qafë Muzinë ku furgoni i linjës Tiranë-Sarandë u përplas me një “Land Rover” dhe përfundoi në greminë. Ndërkohë, mësohet se vajza e nxjerrë e gjallë nga furgoni është është Greta Kaberdini, 25 vjeçe, dhe ndodhet në Spitalin e Gjirokastrës, jashtë rrezikut për jetën.


Ndërkohë, nga mjeti “Land Rover” janë lënduar lehtë drejtuesja e mjetit, 22-vjeçarja Rexhina Çelhaka, banuese në Tiranë, si dhe dy shtetase italiane të identifikuara si Ana Cascalvilla, e datëlindjes 1998, dhe Xhulia Parini, e datëlindjes 1999, ndërsa mësohet se 22-vjeçarja e kishte marrë mjetin me qira.

Viktima të aksidentit janë dy gra dhe tre burra, ku janë identifikuar shoferi i mjetit, Bardhi Proda, dhe çifti i bashkëshortëve, Fiqiri e Dritë Korçari.

Aksidenti me 5 viktima në Gjirokastër/ Flet motra e te mbijetuarës : “Zoti është i madh ! “

E vetmja që u nxor gjallë nga furgoni në aksidentin me 5 viktima në Qafë-Muzinë në aksin Sarandë-Gjirokastër, është Greta Kaberdini, 25 vjeçe. Mes lotësh, motra e saj ka treguar se një ditë më parë 25 vjeçarja i kishte rrëfyer se kishte një parandienjë të keqe. Me furgon, e reja po shkonte në Sarandë, aty ku ishin me pushime e motra e saj.


Ishte shumë e tronditur, qante. Tha që ishte mirë më dhemb krahu më tha, ka thyer krahun. Kam pasur 1 komunikim 1 minutë. Nuk ka fat më të madh që është gjallë. Motra po vinte te unë se ishim në Sarandë, më tha që dje se ka një parandjenjë të keqe. Zoti është i madh”, tha motra të mbijetuarës.

Mësohet se vazja që ka mbijetuar ishte shtatzënë dhe fatmirësisht ka mundur të shpëtojë nga një aksident mjaft i rëndë që u regjistrua mesditën e sotme.