Ngjarje Tronditëse në Tiranë/ Nipi gjen të vdekur gjyshin dhe gjyshen në banesën e tyre…

Një ngjarje e rëndë ka ndodhur mbrëmjen e sotme në Tiranë. Mësohet se në vendin e quajtur “Nënstacioni I Selitës” dy të moshuar janë gjetur të vdekur nga nipi i tyre. Nga informacionet e deritanishme bëhet me dije se S. M. dyshohet se është vetëvarur ndërsa bashkëshortja A.M ka humbur jetën nga ataku kardiak.

Njoftimi i policisë:

Më datë 20.06.2022, në vendin e quajtur “Nënstacioni I Selitës”, është marrë njoftim se shtetasi M. M., ka gjetur në banesë pa shenja jete shtetasin S. M., 80 vjeç, dhe A. M., 80 vjeç (gjyshërit). Shtetasi S. M. dyshohet se është vetëvarur ndërsa shtetasja A. M., është gjetur pa ndjenja. Stafi i ambulancës ka konfirmuar se kanë ndërruar jetë të dy. Grupi hetimor ndodhet në vendngjarje dhe po punon për sqarimin e rrethanave të ngjarjes.

Do të jenë familjarët e tyre që do të hedhin dritë mbi shkaqet e kësaj ngjarjeje të rëndë, por Policia deri orëve të vona të mbrëmjes e përjashtonte pistën e ndonjë akti të kryer nga persona të tjerë.

Megjithatë, do të jetë mjekësia ligjore që do të hedhdritë për shkaqet e vdekjeve së dy viktimave, ndërsa Policia ka nisur edhe verifikimet e para që lidhen me bisedat telefonike, kamerat në lagje e një sërë faktesh të tjera që do t’iu duhen për të zbardhur këtë ngjarje të rëndë.

E rëndë në Tiranë/ Gjendet i pajetë turisti polak në banesën që kishte marrë me qira, policia nis hetimet për…

Një shtetas polak, 73-vjeçar, është gjetur i pajetë në Tiranë.Lajmin e ka bërë të ditur policia përmes një njoftimi, ku bën me dije se nuk janë konstatuar shenja dhune.Ndërkohë po punohet për zbardhjen e plotë të ngjarjes.

Njoftimi i policisë:

Më datë 20.06.2022, në bulevardin “Bajram Curri”, në një banesë të marrë me qira, është gjetur pa shenja jete, shtetasi polak A. H., 73 vjeç.

Nga këqyrja paraprake nuk janë konstatuar shenja dhune.

Grupi hetimor ndodhet në vendngjarje dhe po punon për sqarimin e rrethanave të ngjarjes.

E dashuruar çmendurisht/ Vajza e këngëtarit të njohur i vjedh babait 20 mijë € për t’i blerë makinë të dashurit…

Vajza e këngëtarit me origjinë nga Bosnja dhe Hercegovina, Zdravko Çoliç, Una ka vjedhur nga kasaforta e të atit rreth 20 mijë euro për t’i blerë një makinë të dashurit të saj. Kur këngëtari ka parë se mungonte shuma ka njoftuar policinë por vajza është frikësuar dhe ka pranuar gjithçka. Kjo ngjarje ka ndodhur në shtëpinë e këngëtarit pak muaj më parë. Sapo vajza ka marrë paratë ka shkuar për të parë disa modele makinash. Por shitësit kanë dyshuar te të rinjtë dhe nuk i kanë lejuar që të blejnë asgjë

U përfshi në një aksident në Palma de Majorca/ Kjo është bisha e Cristiano Ronaldos që kushton 1.7 milionë paund (Foto)

Një nga makinat më të shtrenjta në garazhin e yllit portugez Cristiano Ronaldo është përfshirë në një aksident në ishullin spanjoll të Majorkas. Përplasja që është duke u hetuar nga shërbimet e policisë përfshinë automjetin “Bugatti Veyron” me vlerë 1.7 milionë paund që Ronaldo disponon në koleksionin e tij luksoz. Sipas policisë shoferi, i cili thuhet se nuk është Ronaldo, humbi kontrollin dhe rrëshqiti në një kanal në Bunyola, Palma de Majorca, ku ylli i Manchester United aktualisht është duke pushuar me familjen e tij.

Pjesa e përparme e Bugattit thuhet se është shkatërruar nga hetuesit që po përpiqeshin të përcaktonin nëse ishte përfshirë një automjet tjetër. Makina ka përplasur gjithashtu hyrjen e një shtëpie fshati dhe një kabinë, e cila është shkatërruar plotësisht, por drejtuesi i veturës nuk ka pësuar lëndime dhe ka firmosur një akt aksidenti.

Ndërkohë, vlen të theksohet se Ronaldo kishte dërguar nga Mançesteri në Majorka, Bugatti Veyron-in e tij të dashur, i cili ka një shpejtësi maksimale prej 253 mph dhe një Mercedes-Benz G-Class, që ia ka dhuruar bashkëshortja tij.

Bugatti është pjesë e koleksionit të makinave të CR7 prej 17 milionë paundësh, i cili përfshin gjithashtu Aston Martin, Bently dhe një Ferrari Monza. CR7 gjithashtu i shtoi koleksionit një prodhim ekskluziv Bugatti Centodieci me vlerë 8.5 milion £ nga të cilat vetëm dhjetë janë prodhuar në të gjithë botën.

Humbi jetën pas sulmit me eksploziv/ E dashura e Aleksit mesazh prekës: “Ah moj beb, kjo botë ishte shumë mizore për ty, më prit, nuk jetohet në këtë ferr…”

E dashura e 27-vjeçarit Aleksandër Sadikaj ka thyer heshtjen ndërsa i ka dedikuar të dashurit të saj të ndjerë fjalë zemre. E reja me inicialet I.K., përmes mesazheve në rrjetet sociale ka kujtuar dashurinë e tyre ndërsa ka postuar edhe disa foto të tyre ndersa ajo shton se drejtësia do të dalë në dritë gjatë kohës në vazhdim. Sadikaj humbi jetën pas një sulmi me eksploziv në rrugën afër Saukut

Postimi i pa edituar:

Ah moj beb, kjo bote ishte shum mizore per ty. Nje engjell si ty i duhej zotit lart.Na le me vuajtje dhe pike ne zemer, por mjafton qe ti te jesh prere i qete ne paqe. Vetem ideja qe je prane Zotit me ben te ndihem mire se me mire se ai nuk kujdeset dot askush per ty. Cdo veper te mire qe ke bere mbi toke do ta nxjerr ne pah koha dhe drejtesia. Cdo moment i yni me mungon. Ishe njeriu qe desha me shume ne kte bote dhe ne boten tjeter. Mezi po pres te te takoj.Nuk jetohet ne kete ferr.

Me prit, TE DUA SHUMEEEEEEEEEEEEEEEEEEEE Gjysma ime, nuk po te gjej dot se ku je. I kam pare te gjitha vendet ku rrije ti, po ti nuk je me. Me ke ikur larg dhe spo te arrij dot. Me duket nje jete pa ty. Me ka malul mali cum pel ty bebi. Ti me shikon mua po un ste shikoj dot ty. Kjo nuk eshte e drejte. Me perqafon me eren, po une ste perqafoj dot. Nuk ka asgje kuptim pa ty. Cdo gje esht gri, ska ngjyra. Nuk ka me jete as gezim. Nuk ka me asgje. Ade te bebi ote te jemi pelgjithmon bashk sic me kishe plemtual.

“Basti i fundit”/ Skedina dhe bixhoz me zare në lokale, procedohen 4 persona në Korçë…

Policia e Korçës ka finalizuar operacionin e koduar “Basti i fundit”, për goditjen e aktivitetit të paligjshëm në fushën e organizimit të lojërave të palejuara të fatit dhe informalitetit. Uniformat blu bëjnë me dije se janë proceduar penalisht në gjendje të lirë 4 shtetas që ushtronin këtë veprimtari.

Njoftimi i policisë:

Vijon operacioni policor “Basti i fundit”, për goditjen e aktivitetit të paligjshëm në fushën e organizimit të lojërave të palejuara të fatit dhe informalitetit. Procedohen penalisht në gjendje të lirë 4 shtetas që ushtronin këtë veprimtari. Shërbimet e Komisariatit të Policisë Korçë, në vijim të operacionit policor të koduar “Basti i fundit”, për goditjen e informalitetit dhe organizimit të kundërligjshëm të lojërave të fatit, kanë vijuar të ushtrojnë kontrolle në ambiente të ndryshme të qytetit të Korçës dhe si rezultat, në lagjen nr. 14, kanë goditur 2 raste të kësaj veprimtarie, konkretisht:

Specialistët për Hetimin e Krimeve në Komisariatin e Policisë Korçë referuan materialet në Prokurori dhe filloi procedimi penal në gjendje të lirë për shtetasin Dh. M., 51 vjeç, banues në Korçë, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, pasi në një lokal bar-kafe, këtij shtetasi iu gjet dhe iu sekuestrua në cilësinë e provës materiale 1 aparat celular i cili dyshohet se shërbente për vendosjen e basteve sportive.

Gjithashtu, këto struktura referuan materialet në Prokurori dhe filloi procedimi penal në gjendje të lirë për shtetasit V. K., 50 vjeç; K. A., 28 vjeç dhe B. R., 33 vjeç, banues në Korçë, për veprat penale “Vënia në dispozicion e lokaleve për lojëra të palejuara” dhe “Ushtrimi i një aktiviteti tregtar të paligjshëm ose të paregjistruar në organet tatimore”.

Gjatë kontrollit të ushtruar në lokalin bar-kafe në pronësi të shtetasit V. K., rezultoi se ky shtetas ushtronte aktivitetin pa dokumentacionin përkatës. Në këtë ambient, u konstatuan edhe shtetasit K. A. dhe B. R., duke luajtur bixhoz me zare, në një tavolinë të përshtatur. Në tavolinën e lojës u gjetën 9000 lekë, të cilat u sekuestruan në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.

Plas sherri në Korçë/ 46-vjeçari i thyen derën e lokalit dhe…

Specialistët për Hetimin e Krimeve në Komisariatin e Policisë Korçë referuan materialet në Prokurori dhe filloi procedimi penal në gjendje të lirë për shtetasin E. Xh., 46 vjeç, banues në Korçë, për veprën penale “Shkatërrimi i pronës”, pasi në lagjen nr. 14, Korçë, ky shtetas, në gjendje të dehur, ka thyer me sende të forta xhamin e derës së lokalit në pronësi të shtetasit R. F. Materialet i kaluan Prokurorisë së Rrethit Gjyqësore Korçë për veprime të mëtejshme.

Shtirej si fizioterapist për t’i shpëtuar drejtësisë/Arrestohet në Pogradec Turku, i dënuar me 21 vite burg për mashtrimin përmes bankave…

42-vjeçari turk, Salih Akkurt, banues në Konya, Turqi ka rënë në prangat e policisë së Pogradecit pasi është i dënuar në Turqi me 21 vite burg për veprën penale “Mashtrimi i rëndë, duke përdorur sistemet informative të bankave dhe të kartave të kredit”. Akkurt ishte i shpallur në kërkim për veprën penale “Largimi nga vendi i vuajtjes së dënimit” dhe fshihej në Pogradec, për t’u maskuar, ai mashtronte qytetarët duke u hequr si fizioterapist.

Salih Akkurt u arrestua në shëtitoren “10 Dëshmorët e Pojskës”, me qëllim ekstradimi drejt Turqisë, aty ku duhet të vuaj pjesën e mbetur të dënimit.

42-vjeçari ishte në kërkim ndërkombëtar pasi Zyra Qendrore Kombëtare e Interpol Tiranës është njoftuar nga Interpol Ankara, Turqi, se për këtë person, më datë 05.05.2022, është lëshuar urdhër arresti nga Prokuroria e Izmirit, Turqi, në zbatim të vendimit nr. 2020/8992, të datës 30.12.2020, në bazë të të cilit, 42 vjeçari është dënuar me 21 vite, 10 muaj e 15 ditë burgim, nga të cilat i kanë mbetur për të vuajtur edhe 10 vite e 1 ditë burgim, për veprat penale “Mashtrimi i rëndë duke përdorur sistemet informative, të bankave dhe kartave te kredit” dhe “Largimi nga vendi i vuajtjes së dënimit”, të parashikuara nga legjislacioni turk.

Gjatë kontrollit fizik, atij iu gjetën dhe sekuestruan çeqe në shuma të mëdha monetare.

Ndërkohë, Interpol Tirana në bashkëpunim me Interpol Ankara, Turqi, dhe agjencitë ligjzbatuese po vijojnë procedurat për ekstradimin e tij drejt Turqisë.

Aksident tragjik/ Makina përplaset me motorin, ndërron jetë 15 vjeçari, në gjendje kritike shoku i tij…

Një ngjarje shumë e trishtë është shënuar pasditen e kësaj të hëne në qytetin e Elbasanit. Sipas informacioneve paraprake mësohet se një 15 vjeçar ka humbur jetën, ndërkohë i lënduar ka mbetur bashkëmoshatari i tij. Ngjarja ka ndodhur rreth orës 14:30, në aksin rrugor “Belsh – Kuçovë”, në fshatin Marinës, ku shtetasi T. N., 34 vjeç, teksa ishte duke drejtuar automjetin është përplasur me motorin me të cilin po udhëtonin dy të miturit.

Njoftimi i policisë:

“Më datë 20.06.2022, rreth orës 14:30, në aksin rrugor “Belsh – Kuçovë”, në fshatin Marinës, shtetasi T. N., 34 vjeç, duke drejtuar një automjet.

Ai është përplasur me motomjetin me drejtues shtetasin O. M., 15 vjeç dhe pasagjer në motomjet shtetasin K. P., 15 vjeç, të dy banues në Belsh.

Si pasojë e përp lasjes ka ndërruar jetë drejtuesi i motomjetit, shtetasi O. M, ndërsa pasagjeri në motomjet, shtetasi K. P ., ndodhet në Spitalin Kirurgjik të Elbasanit, nën kujdesin e mjekëve.

Grupi hetimor ndodhet në vendngjarje dhe po punon për përcaktimin e shkaqeve të aksidentit”, thuhet në njoftimin që ka dhënë policia pak më parë.

Mbytën dhe hodhën te riun në rezervuarin e Kolanecit/ Flet avokati: “Autor është …ndërsa dy të tjerët janë bashkëpunëtorë “

Gjykata e Korçës ka lënë në burg 3 autorët e ngjarjes së Kolanecit, ku u gjet i vrarë 26-vjeçari Martin Çeço. Avokati mbrojtës i Bledi Angjos ka thëne se ekzekutori i 26-vjeçarit është Valter Mollaj, ndërsa dy të tjerët janë bashkëpunëtorë dhe ndihmës në krim.

Avokati mbrojtës i Bledi Angjos, Lorik Zeqo, është shprehur:

Dinamika e ngjarjes është zbardhur nga deklarata fillestare e Angjos, i cili ka treguar për policinë se autor i vrasjes është Valter Mollaj, i cili ka qenë në lidhje me një vajzë e cila është bërë shkak për ngjarjen.Ai ka bashkëpunuar me organet duke treguar që të tre të arrestuarit kanë qenë së bashku në mjet kur e kanë marrë nga banesa viktimën dhe më pas e kanë çuar drejt rezervuarit ku e kanë mbytur dhe e kanë hedhur në ujë’.