Më datë 24.01.2023, rreth orës 22:15, në qytetin e Bilishtit, është gjetur i pajetë në rrugë, shtetasi V. G., 55 vjeç, banues në fshatin Vishocicë, Devoll. Nga këqyrja e trupit të 55-vjeçarit nuk janë konstatuar shenja dhune.

Nga veprimet hetimore rezultoi se vdekja ka ardhur nga shkaqe natyrale.

Ndërsa na ndajnë disa muaj nga zgjedhjet vendore të 14 majit, Partia Socialiste vijon punën për organizimin politik. Kryeministri Rama ka mbledhur ditën e sotme drejtuesit politikë të qarqeve në selinë e PS-së.

Bëhet me dije se tema kryesore e diskutimeve janë zgjedhjet e 14 Majit. Deri më tani Benet Beci dhe Emirjana Sako janë dy nga kandidatët që kanë marrë “OK” e Ramës për të kandiduar për Bashkinë e Shkodrës dhe atë të Durrësit…

Një grua e moshuar ka rënë pre e një grabitjeje mesditën e së sotme në Greqi. E moshuara ndodhej jashtë një banke në Selanik, ku një person i është afruar duke e dhunuar dhe më pas duke i parë çantën me para.

Më pasi, autori është larguar me vrap nga vendi i ngjarjes, raportojnë mediat greke. Sipas raportimeve, në çantën e të moshuarën kishte një shumë prej 14 mijë eurosh. Autoritetet greke po kryejnë hetimet për ngjarjen ndërsa autori është ende në arrati.

Gjykata e Apelit të Tiranës ka caktuar masën “arrest në burg” për Havier Dobin dhe Rozeta Dobin, të cilët akuzohen për vjedhjen e 120 mijë eurove në banesën e zyrtares Alda Klosi dhe për 400 mijë euro të tjera të cilat ende janë pa autor. Rozeta Dobi e pranishme ne senacë bashkë me të birin Havierin, por nuk ka pasur kërkesë për ndryshim mase.

Mësohet se Rozeta ka pranuar fajin për veprën penale, ndërsa ka pretenduar se është vetëm ajo përgjegjëse, duke u përpjekur për të lehtësuar pozitat e të birit.

Pavarësisht pretendimeve të Havierit se nuk ka qenë i përfshirë për ngjarjen, pozitat e tij janë të rënduara pasi akuza ka pamje filmike që vërtetojnë se ai e ka pritur më shumë se 10 minuta në makinë jashtë pallatit të ëmën Rozeta, e cila mbështolli me batanije kasafortën që mori në shtëpinë e Alda Klosit dhe e çoi në shtëpinë e vetë. Po ashtu, pozitë rënduese për Havier Dobin janë edhe 50 mijë eurot që iu gjetën në brez gjatë momentit që policia e arrestoi.

Një goditje e fortë sizmike ndodhi para pak minutash në ishullin e Rodosit në Greqi. Paraprakisht mësohet se tërmeti 5.8 ballë ka rënë mes Rodosit dhe Karpathos, në Egjeun lindor.

Kujtojmë se Greqia është një nga vendet që preket më shumë nga tërmete të tilla, që shpesh herë sjellin edhe dëme të konsiderushme.

Në orën 07:30 të mëngjesit të së mërkurës përfundoi një ndjekje “e çmendur” në Egnatia Odos, e cila nisi nga Igumenica dhe përfundoi në Mecovo. Një makinë e cila ishte e ngarkuar me drogë është parë në autostradë duke ecur me shpejtësi marramendëse.

Ndonëse mjetit iu bë thirrje që të ndalonte, shoferi ka vijuar të ecë me shpejtësi në zonën e Thesprotisë, ndërsa në Igumenicë është futur në korsi të kundërt. Me shpejtësi skëterrë, mjeti ka ecur deri te stacioni ku janë kabinat e pagesës së rrugës në Drosoxor dhe më pas ka thyer trarët, duke u futur në korsinë e rregullt drejt Selanikut.

Ndjekja në fjalë ka vijuar derisa mjetit i janë çarë gomat, ndërsa është ndalur rreth ores 07:30 në kryqëzimin e Metsovos. Ndërkohë, brenda në mjet janë gjetur dhe sekuestruar 63 pako që përmbanin 67 kg marijuanë. Në pranga mësohet se ka rënë shqiptari 20-vjeçar dhe një 16-vjeçar grek nga Selaniku.

Një 63 vjecar ka humbur jetën mesditën e sotme në Çorovodë. Referuar burime ve zyrtare të policisë, 63 vjecari me inicialet, K.K ishte duke krasitur pemët në banesën e tij, ndërsa është rrëzuar nga lartësia, ku për pasojë ka ndërruar jetë.

Njoftimi i policisë:

Më datë 25.01.2023, rreth orës 11:40, në lagjen “2 Dhjetori”, Çorovodë, shtetasi K.K., 63 vjeç, duke krasitur pemët në banesën e tij, është rrëzuar nga lartësia dhe për pasojë ka ndërruar jetë. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Anisa Kostani efektivja e policisë së Elbasanit është përfshirë në një aksident gjatë natës në Tiranë. Ajo po udhetonte pasagjere në një mjet Benz ku shofer ishte Kristofor Duka, i cili ishte pa patentë. Janë perplasur me një BMW si dhe nga goditja janë perplasur pastaj me trafikndaresen. Aksidenti ka ndodhur në mesnate afër kopshtit botanik.

Mesohet se 27-vjeçarja ndodhet jashtë rrezikut për jetën dhe është e vetëdijshme, por ka fraktura në trup. Po ashtu raportohet se policja ka nevojë për gjak.

“R. D., 26 vjeç, banues në Tiranë, pasi është përplasur me automjetin me drejtues shtetasin M. S. Si pasojë janë dëmtuar drejtuesit e dy automjeteve dhe pasagjerja e njërit nga automjetet, shtetasja A. K., 27 vjeçe (punonjëse policie, jashtë orarit të shërbimit), të cilët ndodhen në spital, jashtë rrezikut për jetën”, njoftoi policia.